Елбасы Жолдауда бұқаралық спортты дамыту қажеттігін айтты. Оның ішінде спорттық кешендер қарапайым халық үшін қолжетімді болуы керек деді.

Қазір Астанадағы бірқатар спорт нысандары бұқараға қолжетімді қызмет көрсетуді қолға алды. Бүгінде Астанада 20-ға жуық ірі спорт нысандары бар. Барлығы заманауи талаптарға сай салынған. Негізі кәсіби спортшылардың жаттығу алаңдары. Қалың бұқара мұндай кешендерге енді-енді қол жеткізіп келеді. Себебі, әуесқойлар мен қарапайым тұрғындардың қалтасы көтермейді, - дейді жұртшылық.

Айболат ҚОЙШЫБАЙ, СТУДЕНТ:
- Негізі Астанада көптеген спорттық құрылыстар бар. Бірақ олар, әсіресе, қолжетімді емес. Бұқара халыққа қолжетімді немесе бағасы төмен, не болмаса ашық болса көптеген жастар спортқа келуші еді деп ойлаймын. Ол көптеген жақсы пайда әкелуші еді. Уақытты бос өткізбей, көптеген спорт түрлерімен шұғылданса, ол пайдалы болар еді.

Ардақ СӘУЛЕТ, ЖАС ФУТБОЛШЫ:
- Көбінесе жағдай жақсы бәрінің, бірақ бар ғой кейбір ауылдарда оларда футбол дамымаған, арасында мүмкін таланттар шығады ғой! Мен де мысалы өзім ауылдан шыққам, Қызылордадан.

Елбасы Жолдауда бұқаралық спортты дамыту қажеттігін айтты. Оның ішінде спорттық кешендер қарапайым халық үшін қолжетімді болуы керек деді.

Мәди ТӨЛЕУБАЕВ, МҰЗАЙДЫНЫ ДИРЕКТОРЫНЫҢ ОРЫНБАСАРЫ:
- Адамның бір күн келіп кетуіне 16 мың теңге кетеді. Енді Президенттің Жарлығы бойынша өте жақсы бағаға түсіріп, жақсы баға болып жатыр. Пенсионерлерге мысалы 500 теңге, студенттерге 700 теңге, балаларға 400 теңге болып жатыр.

Қалалық Туризм және дене шынықтыру басқармасы арнайы бағдарлама әзірлеу үстінде. Әсіресе, әуесқойларды спортқа баулу көзделіп отыр. Осыған орай күні кеше ғана «Жігер» спорт клубы құрылды. 19 спорт түрінен арнайы жаттығулар ұйымдастырылып, ай сайын жарыстар өткізілмек. Әуесқойлардың додасы басталып та кетті. Бүгін шайбалы хоккейден 10 құрама бас қосып, мықтыны анықтауға кірісті.

Сайранбек ӘБІЛҚАЙЫРОВ, СПОРТ КЛУБЫ ДИРЕКТОРЫНЫҢ ОРЫНБАСАРЫ:
- «Жігер» спорт клубы ашылғалы мыңнан астам әуесқойлар жиналды. Солардың ішінде қазір ұлттық спорт түрлеріне өте қатты назар аударып жатырмыз. Жалпы кез-келген адамға мұндай спорт ғимараттарында айналысуға болады. Енді ол үшін біз жаңа бағдарлама кіргізгеннен кейін қазір қарастырып жатырмыз. Жаттықтырушылар штабын көбейтіп, әуесқойларды жинауға тырысамыз.

Қалада әуесқой футбол лигасы жұмыс істеп жатыр. Жақында хоккей лигасы ашылды. Ендігі кезекте, әуесқой волейболшылардың да бірлестігі құрылмақ.